由星期一開始發覺喉嚨有唔妥..睇完醫生食咗一日藥..病無好轉..反而更嚴重添...第二日仲開始有燒..即刻轉醫生..情況都好似無咩轉變..症狀更明顯...星期三頂唔順要請假..系屋企瞓咗一日..燒維持系38-39度之間...到咗夜晚老公建議我入院check下..去到法國...check到系甲型流感..因為私院無呢種藥同無進一步既test技術..只有公立醫院先有..所以轉介咗我到QE..一等就等咗差唔多兩個鐘(比我想像中快了,哈)..但公院D醫生真系..唉..唔知系咪見慣我呢類病人...一開口就話

QE DR."就算系H1N1都唔需要入院喎~留系屋企休息就得...自己會好..最多開D退燒藥俾妳食啫~"...

ME :吓...咁駛唔駛食特敏褔架?"

QE DR.:吓?乜妳想食咩??有好多副作用喎..例如:屙,嘔,口乾..精神錯亂..自殘..等等"

ME:吓!!!!!!!!!!!!!!!!!!!!!咁恐佈???

QE DR:系呀!!不過..妳要食都可以開被妳既.."

ME:-_____________________-""""""""

ME:我會唔會系H5N1咋?

QE  DR:H5N1???呢排都無聽過呀!唔會喎.."

ME(心諗)呢輪無..唔代表我唔會中呀 ?咁都得?唉...公立醫院.....

經過醫生既"檢查"後...攞咗藥返屋企自我隔離..因為怕傳俾仔仔..所以仔仔要系奶奶度住...幾日唔可以見佢..要等好番先得...究竟系甲型邊種....仲要等電話通知....希望唔系H1N1啦..

我的出現真的那麼令妳討厭嗎?或者我真的是做了很令妳生氣的事吧...感到妳那冷漠的背影..往時我這樣妳必定出言問為什麼那麼快走?已煮好了,不吃嗎??...等等...但今天妳完全不理會..好像我未曾出現過般....我清楚妳內心一定很不滿..亦清楚妳的為人必定待我走後又再次向其他人說三導四...不斷的幫他們洗腦..令我變成罪人...其實妳的毒針一早已深深打在他們心裡...真的不需要再補打了...全家族已沒有我的立足地...我攰了...我的性格令我給人不好的印象..就如自己親娘也說我不懂世面..做人硬頸...更不懂用花言巧語去氹人..財力更沒有....真的...我曾試過學她們那麼假來氹妳...當時妳真的表現得很高興...但很快我便知那是假的..因為很快便聽到妳又再一次在我背後說我的不是....我很窮沒多餘錢給妳家用...這真過意不去..始終妳是那麼辛勞地幫我照顧兒子..令我可安心去工作....這點我真的很多謝妳...年年母親節也以妳為中心..正日必定和妳慶祝..今年雖然沒有出現但亦買了妳愛的吊咀給妳作補償...而對我的親娘真的很抱歉..要等到今年才真正和她在正日慶祝呢...因為她沒妳那麼有褔..有那麼多孝子陪伴...我娘亦話妳很有褔氣...............雖然妳的兒子待我不太好..無時無刻我也不知這段婚姻會維持多久..我有努力想令妳不再覺我是一隻"頂指鞋"..妳說的我不再立即反駁..但..我越解釋妳便越不理會...永遠要照妳的意思去做..我亦清楚妳背後的軍師是誰...她的一句..好過我說萬句....到現在我都沒有辨法証明妳所說的每一句所謂別人的意見是否真的是那人親口說...因為..妳很清楚我和任何人也沒有什麼交情....我亦不會去問當時人...因為無論真與否...他們對我的印象也不會有所改變....怎樣也好我都只是一個"外人"罷了...他們會信我嗎?!.....真的沒有可能...少一個我的存在對他們不會覺可惜...由入門那一刻..他們都一直看不起我的.........正所謂"別人是沒有義務必需喜歡妳的"....真的感覺得很深...很深..

對住呢個奶奶..我真系招架不力...我真系唔知前世系咪得罪咗佢..今世要死咬住我唔放..從前未入門時佢真系一個好伯母(可能我仲系外人,所以佢跟本唔會對我點..)無論我幾懶惰佢都唔會投訴我咩..仲要幫我洗埋衫...包住包食添....但自從入咗門開始..慢慢對我有所要求...不滿亦越黎越多...尤其發生咗抱b返外家呢件事..佢心中一直都好嬲我咁做..仲覺得我好絶情好唔俾面佢...但..邊個會忍受到老公打自己呢件事吖...佢唔識教仔...無資格話我無家教囉..我到而家都好記得佢當時講既每一句...嗰次之後,表面上好似無事...但其實我同佢關系都無咩進展過..好多時都因為教導仔仔既事情而爭辯....好快我就變咗一隻"頂指鞋"...奶奶對我更不滿..任何仔仔的事情都必定大做文章(當然..好的就不會講啦~)..我仔仔病,怪我拕得唔好...仔仔曳,怪我無家教似外家...唔做功課,怪我唔督促佢...講粗口,怪我系仔仔面前講得多(我真的沒有>_<)..仔仔樣樣都不及另一個孫女..樣樣也將之作比較....老公從來只會逃避..對他說..每次都必然怪我...漸漸...我學懂了...他不是和我同一陣線的..他不會幫我分擔的...我只是一個人企在一條鋼線上..手上只有仔仔...我要自己盡力去保護這個小生命...他們只是企在對面用冷冷的目光看我怎樣...默默咁等待我跌低的一刻....他們會第一時間衝埋我倆身邊..不是扶我一把..而是恨恨地加多兩腳...好孤單...在這個家處處要防人..每講一句說話,每做一個表情,每行一步..都會受到監視...就算不再反駁不再發表任何言論...亦都會有話題給奶奶向別人訴說....真的好攰...不想再接觸她們了..可是...我仍要靠奶奶看顧仔仔....我真的希望仔仔升小一後我真的能夠脫離"魔掌"...逃離這個是非地

真系快..呢三個月既日子話咁快就過,雖然當中有好多事令我被人"千夫所指",更令我變成夫家不受歡迎的人,但種種我都是為自己的兒子做,曾經朋友說過 "妳的內心,太介意別人的說話了,別人無義務要對妳好的...就當過路吧,不必停留在那裡的"是的!她們討厭我,我便少d出現囉...我只是一個過客啫,當上"託兒所"接仔仔囉..而下星期一仔仔就開始踏足小學校園..將會渡過佢人生最重要既6年..由一個幼稚園小朋友變成一個有自主既中一生~我唔擔保仔仔一定會系呢間天主教小學完成佢6年既小學生涯..但..無論將來會唔會轉校都好...我都會好好咁教導仔仔既功課同佢既品德...其實而家都好擔心仔仔返學之後既適應問題..始終讀全日..全部都系新同學,新老師,新環境...完全同幼稚園系兩回事...希望學校既老師真系充滿"愛心"同"耐性"啦~講真...我一直都分唔清"基督教"同"天主教"既分別..以為差唔多...但其實系好大分別...希望唔會有壞影响

經過漫長的過山車心情..不斷咁左撲右撲...終於因為安排上既問題...放棄田千....回到土瓜灣..入讀剛取錄的天主教學校...講真..我不知它是否一間好好的學校..但只少..它的主校在這幾年都開始獲得家長好評..它本身是上下午校..早兩年在主校分拆出改為兩所全日制小學..是傳統教學...亦聽聞功課較多....我信主的安排...希望仔仔會返得開心

世事往往就系難以預測既...一直咁等待..直到心灰以冷...最後唔再抱任何希望既時候...今日居然收到田千既電話..."我地取錄妳既小朋友,約番妳星期一下午返黎註冊...."呢一個突然既喜訊...真系令我以為自己又發夢.....但今次唔系發夢....因為我啱啱食完早餐仲飽緊..所以系真架!!!!!.....本來已經叠埋心水俾個仔讀住牧愛先...連註冊証都交埋喇....而家點算好??星期一都攞唔切張註冊証喎....不過呢個唔系問題..其實主要系未揾到校車...始終由土瓜灣去大埔...真系幾遠架...而家揾到校車就好喇....點算....真系頭大...如果真系揾唔到的話....唔通要搬入媽咪度住住先??...而家租既屋又只系租咗四個月......老公當然唔想而家入大埔讀啦...佢一直諗最多第時派到屋先攪轉校囉....諗咗成個下午都諗唔通.....因為派屋好彩既九月會收信...唔好彩既要十二月先有信到....上次派間又細又欠債....下次都唔知會派到咩屋,如果唔合心水又要再等喎.....咁仔仔九月開學...時間唔夾添....左諗右諗到諗唔掂...我又唔想為咁而同老公嘈....點先好呢?!...唉...喜訊未必真系好的....on this time...

今日老公話收到另一間學校既結果..."未能取錄!"...其實都估到...咁易入咩....佢地呢幾年都比較受家長歡迎...收生條件自然提高咗唔少...所以我都預咗...而另一間大埔一直都無任何消息...我都預計都系落選咗...經過成個月既壓力....應該可以放低了...雖然7月14日仲有最後一間會出result,但我知呢一間更難入,所以都唔會再抱任何希望.....而且將來住邊都仲未有着落....諗咁多都好無謂....既然上天咁樣安排.....就朝住呢個方向繼續行....明天會更好~

今日一早到最後一間叩門既小學interview,估唔到一去到已經見到超過四十個家長等緊...心諗...都無咁多位....in咁多學生...機會咪更渺茫咯....唉....都明白呢種較受歡迎既小學系難入到架喇...橫掂上天俾咗呢個機會...平常心囉...因為人數多...所以學校都安排咗10個老師分批接見...我地坐第六行...安排咗上到最高嗰層樓....原來佢地都系只會安排小朋友自己一個入課室interview...咁即系話我諗好既台詞又無用喇....但今次都有教進進一d基本對答....到時佢識唔識就靠佢自己.....輪到進進...我行到課室先發覺門口貼咗兩張相分別系上3B同下3B...吓...下3B咪即系大嫂個女婷婷嗰班囉..再睇下個坐位表...真系呀...仲見到佢個名添....世事真系巧合呢~....進進見完出黎..老師仲同我打招呼"我系CHOLE個英文老師MISS.XX....."連interview都咁啱系佢既miss....真系咁橋喎....不過...問番進進老師問佢咩...佢話老師有問佢為咩黎呢間學校讀既...佢好攪笑咁答"因為家姐系度讀咯,我好想同佢一齊讀"....正宗小朋友天真既ans.....真系俾佢攪到'啤"一聲....呢個問題我真系無諗過會問佢...所以都無教佢點答...老師仲叫佢寫自己英文名...咁我當然問佢串咗咩啦..."hun..""吓?唔系hui咩??"..進進即刻好唔開心咁話"我串錯咗呀..."....我呢個慈母當然即刻安慰佢啦..唔系可以點喎..串都串咗..唔通走番入去改正咩!!.算吧...咁多人爭....都唔會抱咁大希望咯....話晒佢地有得捒都會捒d更出色啦...進進表現都唔夠出色,老師又點會捒佢吖....不過我知道進進既能力系好高既....而家都諗住俾佢讀住牧x先...等到派到公屋再作打算~

等咗十二日....落選咗...好失望...雖然由面試完之後都覺得無咩機會...但都仍抱住一d希望...唉...終於自己硬住頭皮打去問...回覆系第一輪收咗既家長都一早通知晒...我呢d就系初步落選咗...佢都安慰我話仲有第二輪既..等到7月2號囉...唉.....即系無啦...等?..哈...自己知自己事喇...唔好既預兆...可能跟住都唔會有咩好消息咯.....

今日再收到另一間學校既註冊通知...只有少少興奮感覺...可能佢都唔系我最心儀嗰間,同埋而家個心圍繞住星期六另一間小學既interview...個人都幾緊張...一直怕自己到時答得唔好影响結果...又唔知佢會考仔仔咩喎........其實都有諗過交俾老公帶仔仔去interview...但又怕佢唔識講咩....唉...好似諗多咗咁...其實interview都好睇個老師buy唔buy個家長既....佢buy咪多d分囉....就算我去都未必得架....我太高估自己啦....諗諗下系派老公出場都好喎....講真...我唔想請假喇..呢個月都請咗4日半day....都擔心公司唔鐘意..而家既環境有份工打真系好好架喇...何況我呢間公司真系待我不薄架....請假又唔扣我錢...未過probation放勞假又唔扣我...返工又自由...仲有雙糧出添......總之比起而家d大公司真系好好...所以...都怕無咗呢份工.......今晚同老公商量下先..